【飲食】尖沙咀燒肉 (ﾟω´)本佐日本燒肉料理

今晚同班好姊妹一齊食晚飯，我哋就諗住去食燒肉，所以預先book咗尖沙咀嘅呢一間燒肉(๑•̀ㅂ•́)و✧~~

 呢度主打食燒肉，仲有刺身、燒海鮮、壽司同小食等等，都係任食架，不過美中不足就係嘢飲就得一一罐，想任飲就要另外加錢(ﾟω´)

 刺身有大路嘅三文魚、北寄貝、八爪魚、帶子等等，質素還好，最好食係八爪魚～ 

燒肉就會預先比一個拼盤，牛小排，同埋一口牛粒都唔錯，口感juicy，味道啱啱好( ♥д♥)! 

鍾意食豬嘅朋友，就一定唔好錯過橡果一口豬，豬味濃郁，油脂豐富！五花肉燒到香噴噴✧◝(⁰▿⁰)◜✧

海鮮都有好多選擇，有蜆、帶子、龍利柳、三文魚頭、蠔同青口等，選擇花多眼亂，大蝦口感彈牙，帶子蒜蓉味好香~~

 蔬菜類一定唔好錯過燒菇同埋牛油粟米＼(●´ϖ`●)／菠蘿都好多汁，又夠晒甜~

 我哋仲叫咗幾款小食，有蟹子沙律、芝麻八爪魚同螺肉等，都唔錯㗎～可惜我哋已經好飽，食唔到太多嘅炸物，甜薯好食，炸蝦夠晒金黃香脆！如果有埋甜品食就更加豐富啦~~

本佐日本燒肉料理

地址:尖沙咀赫德道4號TheHART 3樓