#Beauty

【Too Faced香氣撲鼻朱古力味眼影!皇牌Chocolate Bar朱古力眼影】

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

Advertisement

美國人氣品牌Too Faced早前登陸咗香港,我咁貪靚當然即刻一試,

原來呢個品牌已經有超過20年歷史,係美國當地十分之流行,

更加係SEPHORA 最佳銷量品牌,所以早前一嚟到香港,

即刻引起一班粉絲大手入手美妝產品。

Too Faced一直主打夢幻少女味包裝,少女心滿滿,同時質量亦相當有保證,

所以吸引唔少女生一直熱捧,

當我試完呢盒皇牌Chocolate Bar朱古力眼影盤

都對於其眼影讚不絕口!

Advertisement

‎包裝以巧克力作為設計概念,精緻又有設計感。

打開後有16色眼影

都係超級實用嘅大地色,好啱我地平日趕住返工時使用,

可以單色或者幾款眼影咁使用。

近望眼影,可以見到粉壓得好實,所以用落無飛粉情況出現,

粉質好細膩,唔會有渣出現,實用性極高,絕對係眼影控入手之選!

呢盒大地色嘅眼影上色度極高,用後能增加眼妝層次感,

又會防止眼妝變得浮腫,而且最令我驚喜嘅係眼影有朱古力香氣,

Advertisement

香氣仲係非常逼真,真係好特別,令人大大喜出望外。

眼影可以橫向或縱向方法使用,就算新手都能夠輕易打造迷人眼妝。

可以由左至右利用淡色眼影到深色眼影,打造漸層眼妝;

又可以由上至下漸層,愈近睫毛位置處顏色越深,兩者都能打造大眼效果。

呢盒眼影真係好好用,用時無出現任何飛粉情況,

只要輕輕一抹就完全服貼喺眼部,綿密質地好易上手,

就算單擦或多色疊擦都能完美顯色,絕對係高CP值產品。

Advertisement

濃濃的古力香氣撲鼻,用後真係令人心情大好,

而我亦會喺眼窩位置利用淡啡眼影做陰影,

打造眼睛深邃度,亦可於T字位使用,令到五官看起來更加立體。

用後可以打造高顯色眼妝,維持亮眼彩妝

全日都唔會覺得暗沉,同時亦無出現任務甩色問題。

由於一盒眼影帶成足足16隻色,所以想打造吸引力嘅誘人雙瞳話咁易,

同時可以一次過擁有打底、珠光、陰影

想打造工作look、假日look、party look定event look都無問題。

Advertisement

我仲發現Too Faced有好多好吸睛嘅妝品,

如果有機會,再同大家分享多啦,如果今次個分享有燒到你,

可以去Too Faced嘅專櫃試色。

Advertisement

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

ms_jovi
小個子,卻擁有大無畏精神。 不甘安於平淡OL本份, 本著人一世物一世的態度乜都想試想知。 我不完美,可是我愛自己,懂得欣賞自己的好, 感欣自己所擁有的。 Blogger ● 日本麗乾花導師 ● 小小OL