#Food

I Jolly 大家微笑吧 ~ DK Cuppa Tea ~

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

之前提到的都係環境,今次真係講食啦~ 為食係信義妹本性,有得食就當然開心啦~ 今次更有好多微笑陪伴啊!因為呢個 Tea Set 叫 I Jolly。係精緻既分子料理透過全息圖,向各食客傳遞快樂訊息。而DK Cuppa Tea將收益的10%捐給 www.iJolly.org 慈善網台。

精緻的食物除咗好睇,可以俾你狂打卡外,仲可以食得健康。食物當中加入了螺旋藻、藜麥、紅麴和煙薰甜椒粉,令大家食得健康。

甜蜜巴黎

茶飲由覆盆子,雲尼拿等沖劑而成,清香之餘不澀不甜。唔駛驚飲得多會肥~ 每飲一啖都有心情放鬆一下既感覺。

香草蕃茄凍湯

用試管飲湯, 令我諗起飲酒的shooter~~ 哈哈~~ 飲凍湯既時候,記得唔好一次過飲曬呀~~

要留番啲撈鮑魚水晶啊~~~

凍湯有濃濃的蕃茄酸甜味,正好開開胃。濃稠度適中,湯唔會掛係試管內,飲的時候亦可以好好飲到茄肉。口感細緻順滑。西式濃湯配上陳年陳皮,中西合璧,別有一番風格。

螺旋藻薯蓉

螺旋藻係SUPER FOOD,其健康價值超乎你想像。含優質蛋白質,維生素等等。味道唔會有濃烈的草青味,呢個應該係廚師做得好!味道比想像中淡,食到少少藻的味道。薯蓉軟滑。

黑松露鮑魚配紅麴薯蓉

有一片黑松露係原隻鮑魚上面。呢個味道稍濃,由於黑松露的甘香細味,跟鮑魚的鮮甜味混合,配上藜麥薯蓉。鮑魚煙韌,薯蓉軟滑,多層口感味道,滿足味蕾。

阿根廷紅蝦配藜麥薯蓉

隻蝦~ 好大大大呀~ 帶有陣陣鮮味,肉質結實,無過多既調味。薯蓉混上藜麥,帶上粿粒口感。

迷迭香鮮茄醬肉丸

呢個簡直視覺享受,美美的容器,一打開就有陣陣香烟飄出來。烟薰味怖滿肉丸。肉丸彈牙,並不乾身,肉汁鮮甜美味。除咗烟薰味濃外,基本鹹味跟蕃茄既酸甜味都係適中。蕃茄醬唔會搶咗肉丸本身應有既肉香甜。

檸檬馬卡龍

馬卡龍係信義妹心目中係一種甜到嘔既甜品,但呢個檸檬馬卡龍擺脫咗呢個印象啦!檸檬味清新芳香,微酸,甜只係屬少甜。感覺相當良好。

笑哈哈黑朱古力

黑朱古力信義妹最愛,因為唔會好甜又帶少少澀味。食完馬卡龍食佢就可以平衡番個味覺啦!

檸檬蛋白芝士蛋糕

蛋糕軟綿,入口即溶。檸檬清香不膩口。甜度適中正正適合信義妹甜度。杏仁脆片混上檸檬醬,帶微酸,口感帶脆又綿,正平衡蛋糕甜味。

水果乾

健康推介,水果乾有楊桃,士多啤梨,無花果。

上甜品既時候係用全息圖以故事形式呈上。全息圖係獲得諾貝爾物理學獎的技術,令3D圖像再現。係不同天氣下,你帶著的心情係咩呢? 雖然片只得短短的時間,信義妹想播多次呢~~~ 對信義妹而言,而家不論晴天雨天都是孩子天~~~~~

每位收費$298(另設加一),兩位起

DK Cuppa Tea

地址:上環新街市街19號地下-西港城旁邊,北園酒家轉入。上環地鐵站B出口

預訂及查詢:23863588

Whatsapp : 97889378

www.aroma.com.hk

#magicofhappiness #happymagic #開心法術 #katlai #katsijolly #dkaromatherapy #dkcuppatea #ijolly #全息圖下午茶 #分子料理下午茶

#慈善網台 #opencreativesolution

#hkfoodie #foodoftheday #hkfoodblogger #foodporn #foodlover #incredibleshunyeemui #信義妹 #吃貨 #手機食先  #foodbeast #foodspotting #igfoodie #foodshare #信義藍星札記

信義藍星札記

Facebook Page

Instagram

標籤: 美美信義

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

信義妹
自理虎媽,學術貓媽。同時係瘋狂DIY 二寶媽。只想好好「育兒」,拒「馭兒」。不論係外人眼中我係乜媽,只求做孩子心中最好的媽。 總結媽媽呢份工係 「錢少事多不放假,晚睡早起肝硬化」。