旅行的季節又到了~日本是很多香港人旅遊的目的地,雖然我已經去過了幾十次日本不同的地方,但這個地方依然深深吸引著我!

來到夏天,去日本首選一定是北海道無異,我也多年前跟老公專程到訪北海道狂盡北海道富良野及美瑛的花田及農場等,係度簡單介紹一下我之前去過的景點,希望俾就快去北海道的朋友一個參考!

 

要自由行最重要就係預訂機票同酒店,去得賞花就當然唔止去幾日同一個地區啦~每天早起趕車也不是我一貫的自由行Style,所以我會預早計劃行程,Bookmark想到訪的景點,預先在景點附近預訂酒店,每一日都會安排不多於3個景點~

 

因為本身我跟老公都是不懂駕駛,所以去比較旅途遠的乘交通工具都需要花時間,所以轉換景點附近的北海道酒店可以等自己唔洗趕車,唔洗走馬看花呢!

 

以下為自駕版本,如果你們好似我們一樣不會自駕,就呢個資料就十分適合你了!

 

景點一北竜町ひまわりの里(旭川)

呢個花田主打是向日葵(即係太陽花),每年7月至8月期間都會舉辦一個向日葵祭典,唔洗俾錢入場,有無盡的太陽花係度,真係好壯觀~

除左太陽花之外,仲有觀光中心可以買到手信同少量付費的地方參觀,呢度真係打卡一流,不過出發之前最好上佢地官網留意下開花情報呀!

開放日期:2019年7月20日(六)~8月20日(五)24小時開放

(觀光中心營業時間:8AM~6PM)

地 址:北海道雨竜郡北竜町板谷143-2

入場費:免費

交 通:由JR札幌駅乘搭JR特急(約50分鐘)到JR滝川駅,再轉乘北海道中央巴士(約40分鐘)在北竜中学校前下車

 

景點二日之出公園上富良野

日之出公園又為「上富良野八景」之一,來北海道賞花真係唔可以唔黎,由車車站行去又唔算好耐,不過如果唔想行都可以在車站轉乘的士~

沿路都有指示牌,唔怕要盪失路!

呢度有好多好多薰衣草,一片紫色真係超靚呀~

除左薰衣草都仲有其他花,真係點影都咁靚!

仲有呢個幸福的鐘,好多準新人都會黎呢度影Pre-Wedding架!

 

賞花期:每年7月中旬至8月中旬  24小時開放

地 址:空知郡上富良野町東1線北27號

入場費:免費

交 通:由JR上富良野徒歩15分鐘(約1.5公里)

 

 

景點三富田農場(中富良野)

相信呢個農場都係一個來到北海道賞花田必到的景點之一,呢個彩色的花田必影位真係聞名不如一見,看到日本人很用心的種植~

在夏天前來仲可以坐到夏天限定的薰衣草小火車Norokko,可以在臨時車站薰衣草花田站落車就在富田農場旁,沿途仲可以慢慢欣賞周邊的美照!

 

賞花期:每年7月中旬至8月中旬 (農場開放時間每個月份有所不同,而7,8月是8:30AM~6PM)

地 址:北海道空知郡中富良野町基線北15號

入場費:免費

交 通:由JR富良野駅乘搭薰衣草小火車Norokko薰衣草花田駅,徒歩約8分鐘

 

 

景點四四季彩之丘美瑛

呢個花田係位於美瑛,之前都係跟民宿的老闆乘車前來,呢度集好多花於一場,而且面積好大,要行哂成個場我估計要半日時間~

入面仲有一個要付費入場的草泥馬農場,真係大人細路都岩!

 

開放日期:每年6月至9月 8:30AM~6PM

地 址:北海道上川郡美瑛町新星第三

入場費:免費

交 通:由JR富良野線「美馬牛駅」下車徒歩25分(比較建議乘車前往)

 

景點五彩香之里(中富良野)

呢個農場明顯比富田農場少人,但都有好大片薰衣草花田,所以可以慢慢影相都唔怕好多人流阻到~

去到山坡上的涼亭仲可以遠眺北海道的景色,真係好靚架!如果想慢慢影相推介黎呢度呀!

 

開放時間:8AM~5PM

地 址:北海道空知郡中富良野町丘町 6-1

入場費:免費

交 通:由JR中富良野徒歩20分鐘(約1公里)

 

景點六町営ラベンダー園(中富良野)

呢個農場一眼就望哂~雖然唔算好大,但就係唯一有小型纜車可以上山坡,一人一架車,可以沿途欣賞花田美景!

呢個山坡種滿不同的花,不過都是以薰衣草為主,但就唔可以行近影花,只可遠眺花田景色!

 

開放日期:6月22日~8月31日  9AM~6PM

地 址:北海道空知郡中富良野町丘町 6-1

入場費:大人400日元  小童及學生200日元

交 通:由JR中富良野徒歩20分鐘(約1公里)

 

以上花田都集中於北海道道央的旭川、美瑛及富良野,我地就花了4天時間就去哂以上花田,真係好靚,百看不厭!

 

不過花田的位置都比較空曠,所以大家去之前要帶定足夠的水、輕食、太陽眼鏡、傘及帽,仲要帶蚊拍帶/蚊拍水,始終都係郊外地方,難免會有蚊虫!

 

好多人都覺得去北海道自駕比較方便,但如果好似我們不懂駕車,其實都可以去到好多地方,只要行程編排上花點心機,事前預訂好適當的酒店,查看交通資訊,其實要北海道自由行都唔係難事!

 

多謝收看!下次同大家分享其他旅遊資訊啦!

**********************************

歡迎合作試用.邀稿.出席活動.化妝工作

Wing Ho

E-mail : fingyan.wing@gmail.com fingyanwing.makeup@gmail.com

Facebook : www.facebook.com/fingyanwing.makeup

Instagram: FINGYANWING.MAKEUP

YouTube: https://www.youtube.com/c/FingyanWing

**********************************

標籤: 北海道
FingyanWing
一名80後女子!平時返朝9晚6平常不過的文職工作!為興趣而膽粗粗去學做化妝造型師!因媽媽自小的教導,平時注重護膚,亦很怕曬,深明「沒有醜女人,只有懶女人」的說法,對自己素顏頗有信心,從不濃妝出街!愛護膚。愛化妝。愛分享。愛美食。愛生活。自當上Blogger及Freelance MUA,我的生活變得多姿多彩了!大家多多指教!:) |歡迎合作試用.邀稿.出席活動.化妝工作| Wing Ho |E-mail : fingyanwing.makeup@gmail.com / fingyan.wing@gmail.com