蜜友私談 ~ 閏蜜 ~

信義妹難得可以鬆鬆，就梗係約埋蜜友去四圍遊下啦！蜜友無咩特別要求，咁信義妹就話事囉～

遊走網頁見到 閨蜜，單被名就吸引了。一於去潮聖吧！

到店見餐牌，選擇有很多，有招牌推介，咖啡類，美顏類，泡沫類，蜜類等等。信義妹既選擇困難症即時發作。。。。幸好有店員幫手~ 見到信義妹一面迷惘，就慢慢解釋當中既特式，適合邊一款口味。信義妹揀了閏蜜玫瑰奶蓋鐵觀音。蜜友揀了新鮮水果綠茶。小食，蜜友頂信義妹唔住立馬拍板了。哈哈~

新鮮水果綠茶 $28

水果係廚師發板，唔鮮唔做，會因應時節轉變，不時不食。今杯有西瓜，檸檬，橙，士多啤梨，藍莓，蘋果等。茶味濃而不澀，甜味適中，當中仲飲到蜜糖既甜味。信義妹忍唔住搶咗幾啖飲(≧ω≦)/

閏蜜玫瑰奶蓋鐵觀音 $28

信義妹揀呢個係因為店員推介此奶蓋跟別家不同。信義妹都愛奶蓋，可惜之前飲過有好多，飲咗幾啖就跟飲品溶為一體，又或者甜到懞。。。。呢個適合唔嗜甜既大家，唔太甜，質地企身，成杯飲曬都不倒，乎合信義妹既理想中的奶蓋。

茶底香濃，從不澀口，細問原來係店方獨門祕技。自溝茶底，愛茶之人記得要點番杯。

朱古力吐司

包外脆內軟，滿滿的朱古力醬一咬就有溶岩流動既感覺。女士們想保持儀態就要注意下啦～

椰香奶酥吐司

椰香跟牛油味濃，甜而不膩，配上外脆內軟的包。相信配滴滴咖啡一定係絕配。

閒談間知道信義妹係珍珠控，就請信義妹食一點~真後悔無點有珍珠既飲品。珍珠軟糯，混上亞里山龍眼蜜，跟外間的甜截然不同。真想再來一杯有珍珠的啊～

下次target 已定，必定要飲有珍珠既茶飲！

總結，價錢符合學生消費，又有小食配搭，閒來傾計聚腳選擇！

地址: 荔枝角深盛路9號宇晴匯2樓39號舖

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/