上星期六,趁朋友放假,便約她到旺角行街,

餓了便到就近The Mafe Cafe食飯、傾心事。

餐廳環境寬敞、裝修雅緻,帶點歐陸味道。

內裡分隔開兩個小區,一邊適合三五知己、

另一邊則可供一大班朋友仔玩個痛快。

講得上玩個痛快,皆因這裡有個遊戲櫃,

內裡提供大量遊戲咭、棋等,任玩唔嬲!

想在這裡輕鬆下,每位最低消費一杯飲品;

繁忙時,每3小時每位最低消費一個晚餐。

晚餐有多款選擇,包一杯HKD38飲品,

若過額則需補差價。

此外,加HKD28可配芝士蛋糕;

加HKD35則可配心太軟+雪糕。

我們各叫了一個晚餐及HKD48飲品。

鮮茄焗豬扒飯 (HKD106)

豬扒飯賣相吸引,熱辣辣香噴噴,

面層舖上鮮茄、蘑菇及芝士等;

內有已切好的豬扒,可見大廚的細心安排。

鮮茄有少少酸,剛好中和有罪惡感的芝士,

豬扒厚度適中,肉質彈牙有口感,

一啖嚐到鮮茄、芝士及豬扒等,

口感層次豐富,整體不錯!

日式黑椒牛柳粒飯 (HKD114)

牛柳粒飯賣相亦不錯,牛柳粒剛剛熟,

肉嫩多汁,配上惹味黑椒汁更見美味。

(左) 死神 (可樂+朱古力雪糕) (HKD48) (跟餐補HKD10)

(右) 皇帝 (熱情果+檸檬汁) (HKD48) (跟餐補HKD10)

皇帝味道酸中帶甜,正好幫我消消飽肚感。

好友愛食甜品,所以另加了芝士蛋糕(HKD28),

口感軟滑,但如質感可硬身一點,口感會更好。

這確是個交通方便的食玩聚腳點,

下次一於約多幾個朋友一齊來玩!

The Mafe Cafe

旺角彌敦道577號高氏大樓3樓A-B室

amyng888
30+的Amy,認為只要肯扮靚,無女人會醜,故會努力去搜刮好商品,同大家分享美容、美食、旅遊及生活趣事等,希望大家都可以Keep住靚!