除了上架的品牌外,呢幾年香港的女士們都好興去D小店買D於Facebook Instagram明星及KOL熱捧的產品。相信大家都有留意到Protop呢個美國品牌,最出名應該都係少女針、眼精華、黑頭精華。我自己就買過一枝眼精華試,用完成枝都無咩料到╮( ̄▽ ̄””)╭

盡管見到佢地的廣告片效果誇張到爆,但好多人都會同我一樣照買照試⋯ 今次我就試試聲稱用綿抹一抹就可以將肌膚霧化。(下面為上網揾到的產品圖)

就係咁誇張,佢用柔光水抹出黎的綿,同落完妝的綿真係無咩分別(笑) 所以我今次就係到分享下我的試用感,呢枝野係唔係真係咁神奇。由於我用的時後有吉吉地涼涼的感覺,仲有D奇怪的味道,所以我就Check Check佢的成份。

整體黎講無咩古怪的成份,只係防腐劑有點多,不過全部都唔係太刺激的。我聲稱的怪味應該係由人參而黎。我意外發現抗氧效能的白藜的濃度係產品排第二,此外仲加了維C及熊果素。從成份睇,佢係一枝重抗氧美白的產品,並非係廣告再提及的排毒去角質。

早晚需要吱10-15滴於化妝棉上,然後在臉上輕輕打圈。用完會有涼涼地,吉吉地的感覺,但用完的化妝綿無廣告中咁黃咁黑,只係同平時的爽膚水咁,只係微微偏黃色的狀態。

連續用左兩星期,我已經用左半枝,但皮膚都係差唔多,無白淨到之餘,都無差到⋯ 唔係話佢差,但如果以$388/30ml呢個價錢買爽膚水,係出面應該買到其他更好的。

=====================================

| 品牌合作 | 出席活動 | 產品試用 | Email : bingfooddelivery@gmail.com

冰糧派出所
大吃大喝之芭蕾女孩。最愛線條簡單、性格傻傻的奇怪東東。十分喜愛去嘗試新野 \(//∇//)\ | 品牌合作 | 出席活動 | 產品試用 | Email : bingfooddelivery@gmail.com