日本香水品牌LAYERED FRAGRANCE，
由「香水王子」日本知名香水設計師石坂将先生開發，
與眾不同嘅香水品味同個性鮮明設計包裝深受客人喜愛，
早前喺金鐘Lab Concept開設期間限定店，
身為香水控當然要立刻了解同大試所有香味啦，
用後我經已成為忠粉啦，因為又香包裝又靚。
LAYERED FRAGRANCE 設計理念係層次感，
由最貼近自己嘅髮膚、衣服、手袋，遠至身處嘅房間，
每一層空間隨心用上一種香氣，就能夠疊加出一種新嘅香氣，
而呢種香味層次，更加會因應角度同距離營造出唔一樣嘅感覺。
LAYERED FRAGRANCE嘅產品備有多款味道，
據說好似有成足足18款呢！
香味比起市面好多品牌相對清淡，唔會過於濃烈，
如果你喜歡簡單調子嘅香水，一定會同我一樣一試愛上。
每款香水都可以單獨用，或者自由搭配混噴，製造屬於自己獨特味道，
當中有幾隻香味都非常討好我，意想不到呢個品牌咁吸引人呢。
細問之下方知道，原來LAYERED FRAGRANCE 2010年獲得日本香水獎，
更被稱為日本Jo Malone，經常登上各大雜誌，可見實力非凡。
個人最愛#Fresh Pear、#Sugar Lychee同#Champagne，
#Fresh Pear 鮮梨散發出淡淡甜味帶，有一絲俏皮可愛甜蜜感，
甜果味自然清新，就好似清甜梨子咁，香氣低調淡雅。
試管小瓶10ml一支，型格又方便隨身攜帶放喺包包，
可以隨時隨地補充香氣，當都有100ml大瓶裝。
香氣持續性好高，大概可以keep到4-5個鐘，
用後唔單止令自己開心，亦可以增添自己魅力，
夏天時放一支喺手袋的確非常方便使用。
大支裝當然就會抵用啲，100ml都只係HK$350，
磁石樽蓋設計既特別又方便。
用喺衣物嘅香味產品，包括：洗衣液、衣物柔順劑、衣物用芳香除臭噴霧等，
令你全身上下都可以散發相同香氣，用落又非常方便。
香薰有成14款味道選擇，放喺房間或者浴室就最好不過，
可以令到成個空間香噴噴，令整個人都好relax好舒服。
#Sugar Lychee放喺浴室，就可以喺我ME TIME時令我沉醉於香氣中，
我好中意甜味香水，所以能夠喺最私人時間吓聞到香甜荔枝香氣，
感覺有一絲絲幸福呢！
真心推薦大家必定要認識呢個品牌，
包裝富有簡約美，香氣清新又持久，而且價錢一啲都唔貴，
仲有咁多香氣選擇，送畀朋友或者自己要都非常合適！
LAYERED FRAGRANCE 銷售點：
CosmeGo 日本藥妝概念店
銅鑼灣時代廣場 facesss
Aeon Style – 紅磡黃埔新天地、鰂魚涌康怡廣場、 九龍灣 MegaBox、
荃灣灣景廣場、 ものもの銅鑼灣店、銅鑼灣 Fashion Walk
@cosme store – 尖沙咀星光行、屯門市廣場、上水廣場、將軍澳東港城
一田百貨 – 沙田新城市廣場、旺角 MOKO
Website： www.layeredfragrance-hk.com
Facebook：www.facebook.com/layeredfragrancehkofficial
