話說係一年前,帶小卷同小立到青衣戲棚見識下。點知熱到溶咗。。。。。同埋好多攤檔都未開,所以淨係睇咗舞獅就走啦~

今年就揀係傍晚的時間去,唔太熱,又可以影到相。

一入去就已經見到 Utenstials 有叉用 既攤位啦~場內有兩個攤位 (頭尾各一),方便大家一路行,一路食,跟住順便還埋餐具。

有兩款餐具俾大家揀既,白色大碗或者橙色摺疊餐盒。兩款跟既餐具都唔一樣架~大家要留意啊!不過兩款餐具既按金都係 $20,小卷揀咗搶眼橙色摺疊盒。

戲棚有幾十檔各有特式的食店,串燒、玉子燒、意粉、龍蝦、海鮮、一口牛等等。飲品有椰青、汽水、樽裝水、最吸睛的一定係外星人樽飲品同埋美少女戰士飲品啦!甜品有芋圓仙草凍、大白兔糖雪糕、棉花糖、糖蔥餅、吹糖等。遊戲有拋圈和撈金魚~

我地揀咗臭豆腐和流心芝士玉子燒。

流心芝士玉子燒 $30

芝士很多,真的流心呢~ 蛋夠滑又香~邪惡美食啊!小卷對於呢個十分有興趣。企在旁留意煮法,檔主留意到仲一路整,一路教小卷小祕訣呢~

臭豆腐 $16 /件

外脆內軟,皮略嫌太厚。

食完我地就去還番啲餐具~ 減廢由自己做起!分好餐具同餐盒就可以啦!今日一小步,明天大進步!

要留意既係,有食店自備餐具會有優惠架!

跟住我地走去吹糖啦!有很多不同味道選擇,西瓜,橙,薄荷等。小卷揀咗西瓜味。好厲害啊!小卷一出口就吹到個大波波~ 有檔主教路係唔同啲呀~小立唔敢吹 ~ 信義妹補上,一吹就爆啦!吹得太急啦~ 哈哈哈~ 不過呢個手藝確實好玩,下次要再玩下先~

#Agreenman

#Agreenman掃街盒

#Utentials有叉用

#免費借用餐具

#天后誕2019

#葵青區議會

#環保掃街

信義藍星札記

Facebook Page

Instagram

標籤: 為食信義
信義妹
自理虎媽,學術貓媽。同時係瘋狂DIY 二寶媽。只想好好「育兒」,拒「馭兒」。不論係外人眼中我係乜媽,只求做孩子心中最好的媽。 總結媽媽呢份工係 「錢少事多不放假,晚睡早起肝硬化」。