出去尖沙咀做完野,約埋朋友 Me Time 一下,就梗係搵下有咩食啦!去到厚福街,整條街都是美食~ 左右行逛著,就見到裝修滿有日本風的元祖沾麵~一於試下先!

坐低之後,店員將餐牌連同京都宇治抹茶一拼奉上。抹茶不帶苦澀,溫度適中,店員仲會適時添加。

極上Raclette 芝士龍蝦沾麵 $168

信義妹係芝士控,所以呢個變為必點項目。龍蝦比想像中大啊!芝士鋪得滿滿的。龍蝦帶膏,混上芝士,甘香鮮甜,味覺豐富。

麵質彈牙,份量適中,掛湯力強。

湯底濃郁,撒上青檸,帶多份清香。

特製赤蝦叉燒拉麵 $88

拉麵幼身,爽口兼掛湯力強。

湯底濃郁而不鹹。

叉燒肥瘦間著,不膩口又唔會好硬。

下次試下海膽沾麵先~

地址: 尖沙咀厚福街5-6號多富閣地下5號舖

信義藍星札記

Facebook Page

Instagram

標籤: 為食信義
信義妹
自理虎媽,學術貓媽。同時係瘋狂DIY 二寶媽。只想好好「育兒」,拒「馭兒」。不論係外人眼中我係乜媽,只求做孩子心中最好的媽。 總結媽媽呢份工係 「錢少事多不放假,晚睡早起肝硬化」。