呢日去左旺角睇寵物用品😆

因為最近養左隻 #Frenchlop 🐰

睇完野行下行下就去左登打士廣場呢邊

呢度出名多cafe,所以我地就上網睇下邊間多好評嘅就上去食

😆最後揀左 @rimicafe

超Lucky🍀上到去啱啱好得番一張枱😍

咁旺場唔洗等位真係好💕

呢度分左兩邊,一邊係坐地下😳

好日本feel,仲可以同朋友邊玩住board game邊食野

.

我地就因為買左太多野嘅緣故🙈

想快快脆食完就番屋企,所以連boardgame都冇玩

直接叫野食🍽今次係食番正常份量😂

我地叫左2個main course💕加$19仲有湯、

蒜蓉包

同埋飲品(紅茶/綠茶🍵系列)

 

1️⃣卡邦尼意粉($112)

原本只係求穩陣所以叫,點知食落又唔錯☺️肉眼睇見啲芝士片已經覺得好正,個汁嘅濃稠度亦恰到好處,係可以掛落啲意粉度😋煙肉份量亦算多,食到落尾都仲有,而且佢仲用左唔同嘅菌類去煮,最出味嘅係我鍾意食嘅牛肝菌(Porcini)😍雖然正宗嘅卡邦尼係唔會用Porcini去煮,但我認為食物過江黎到香港嘅cafe,有唔同嘅特色而有好食就冇所謂啦💓

.

2️⃣意式青醬雞絲炒闊條麵($108)

另一款叫左嘅係呢款意式青醬(Pesto)雞絲炒闊條麵,意粉醬黎講我幾鍾意食呢款💕因爲成個醬係用Basil(九層塔)同Parmesan Cheese黎做base😋再加蒜、松子仁(pine nut)、橄欖油去整,而且唔係度度都食到,樓上cafe有得食都係第一次見😳送到黎嘅時候,第一個感覺係好足料😍好香Basil味🌿即刻放入口試下,食落係首先食到Parmesan cheese嘅鹹香同九層塔嘅濃烈氣味融合👍🏻再食真啲會食到微微嘅松子仁混合少少油香味,冇完全攪爛曬嘅松子仁為闊條麵加添口感,闊條麵嘅軟硬度亦煮得剛好,係” Al dente”😋即係剛好煮到熟咬落有口感又唔會太軟👍🏻美中不足係唔夠油,食落唔夠滑口同埋好似唔多覺有蒜頭味(😆可能係迎合番香港人口味)

.

整體黎講,呢度食物質素比想像中好食,難怪評分咁高啦👍🏻雖然環境唔係好Fancy好打卡feel,但如果係想食好啲同埋有舒適嘅環境同朋友聚下、玩下Board game,呢度會係一個好地方💕性價比高✨

.

🍝Rimi Cafe (旺角)

📍旺角登打士街43H號登打士廣場20樓全層

.

.

.

#foodie #吃貨 #吃貨人生 #吃貨女孩 #吃貨日記 #sweet #influencer #microinfluencer #hkig #hkiger #hkfoodie #hkblogger #cute #love #写真 #ありがとう #コーデ #hkfoodie #hkfood #hkblogger #discoverhk #discoverhongkong #foodporn #hkfoodblogger #hkfoodblog #hklifestyle #foodphoto #foodphotography #hkcafe