明星偷食事件震撼全港!令到大家突然發現,原來日防夜防,家賊難防!陰濕小三,可能已經偷偷混入你生活圈子,不經不覺間已經「融入家中」!桃色誘惑,原來無處不在!

無論明星定素人,兩個人關係穩定咗,心態唔多唔少就放鬆。打扮程度,一定唔會夠專門勾人老公嘅小三,花咁多時間精神去取悅別人。家中工作繁重,睇住頭家壓力都唔細,一個唔覺意,就會搞到變成黃面婆!肚腩又大蘿又大,化妝髮型打扮與時代脫節,老公自然心思思出去玩。

圈中模範夫婦,發哥發嫂、Chilam同靚靚、任達華同琦琦咁幸運,內在美外在美都有!仲結婚多年都keep住恩愛!如果外表輸蝕,就要急起直追。

明星同普通人一樣,人到中年,點可以唔去執下?而家美容儀器咁流行,已經唔再需要去韓國偷偷整容變靚,喺香港光明正大,都有好多唔需要開刀、唔需要打針嘅選擇!樣貌身材大執,提升自己競爭力,自我增值,係好多圈中夫婦keep住多年幸福嘅秘密!

我地進行全港大搜刮,獨家披露本港多位明星、名媛御用變靚大師。

最美CEO黎姿做生招牌:COSMAX

大家都知道,黎姿係全香港最靚嘅上市公司CEO,近期佢幫正在康復中嘅弟弟打理嘅醫學美容公司COSMAX,仲由「創業板」轉到去「主板」上市,真係可喜可賀!

講到美貌,Gigi可以算係美魔女界別中數一數二!曾經拍過多套電影嘅黎姿,自從嫁咗富商之後,唔單止冇走樣,狀態仲越來越好!Gigi不諱言自己都有親自嘗試不同醫學美容儀器,係美容院嘅生招牌!完美外表完勝小三,老公對佢簡直寵愛有加!

其實COSMAX呢間鋪頭真係有好多明星客底,張可頤、郭可盈都係星級客人。雖然佢哋年紀已經有返咁上下,對住一班年紀細佢一大截嘅大陸妹妹仔,仍然非常之有競爭力!唔單止keep到個樣,仲keep得住老公!咁多年來,就算有乜嘢緋聞,始終正印崇高地位不變!

香港第一髮型師:Kim Robinson

一班靚人妻要鬥贏小三,要變靚唔一定要整容!有良好嘅髮型,成個人都比較青春後生!剪得一頭高貴時尚髮型,自信心亦隨之而增加!

有香港神級髮型師之稱嘅Kim Robinson,就係好多名人明星嘅指定髮型師。名人明星界傳奇人物,好多都指定要Kim設計髮型。戴安娜王妃以前都指定要Kim幫手!而香港名模周汶錡外表多年不變,近年仲結咗婚、生咗仔,外籍老公對佢仍然愛惜有加,寵愛有增無減,原來佢都係Kim Robinson嘅客仔。

名人熱捧瑞士年輕中心:SWISS REJU

有「美容界瑞士私人銀行」之稱、能夠令到澳門猛人家族後人都心甘情願排隊,就係被稱為神級瑞士年輕管理中心嘅SWISS REJU。

位於中環嘅SWISS REJU主打年輕科技研究。神級回春細胞精華Swiss Reju Advanced Cell Renewal Serum,來自瑞士高科技實驗室。每年出產量有限,供應罕有珍貴,名人闊太一樽難求,每逢大時大節之前更要早三個月預訂。

除咗產品爭崩頭,SWISS REJU高科技美容亦長期供不應求,令到一班正印太太、明星趨之若鶩。

掃狐成功例子

維持婚姻,除咗外表,亦都需要智慧!要講圈中模範恩愛夫妻,一定有以下幾對。

伍穎薇成功保住婚姻

交際能力EQ甚高嘅伍詠薇,體諒老公,甚至出軌之後,仍然幫佢講說話,咁高EQ,抵佢可以保住正印地位,小三無法動搖。

劉青雲郭藹明多年恩愛

劉青雲是經過起起跌跌,但係一直以來,佢老婆講明仍然支持係身邊,係圈中有情飲水飽嘅最佳例子。

有關作者 OBloom

OBloom為現職娛樂記者,見盡娛樂人生百態,歡迎聯絡產品療程試用,餐廳試食活動。