#Food

必要再去 ~炑八韓烤親子餐廳~

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

Advertisement

當媽後對於餐廳既選擇嚴格了,位置要寬敞,地方食物要乾淨衛生,有無小朋友設備等都會影響。親子餐廳好多時都會係其中一個選擇~ 因為有適合小朋友的設備之餘,地方通常都會比較寛闊,對於一出街就好似行軍的父母會有較多空間。

近日觀塘就有新開的親子餐廳 ~炑八燒烤親子餐廳 Meokbang BBQ Kidzone~ 梗係趁假期去玩啦!位置容易到達~~~~坐港鐵到觀塘站B2 出口,沿開源道一直向前行,係第三個街口左轉到鴻圖道繼續向前行,見到香港觀塘帝盛酒店再行前約一百米至90 號,直上2 樓。係2樓的關係,可以行樓梯當運動又得,坐電梯又得~~

一入到餐廳,不單止小朋友興奮,連大人都驚呆了,彷如到咗韓國參觀傳統韓屋的感覺。小朋友可以免費換上韓裝,大人都可以換韓裝打卡 ($70 / 小時)。兒童遊戲區有波波池,化妝枱,積木,廚房,火車等,地方寬敞,多幾個小朋友都唔會撞埋一堆。波波池既波波係勁多架~仲可以有隧道爬過,係角落位置仲有個小帳幕,可以有小天地玩啊~

玩完一輪就開始食啦~

點了炑八kid 燒烤套餐

3位用 $368

Advertisement

咪睇少呢個3位餐, 我相信一家四口都夠食~

主食有二揀一可以揀人蔘雞湯或者愛心shake shake 便當。

我地揀愛心shake shake 便當

色彩鮮豔,有雞肉,蝦,秋葵,冬菇,紅蘿蔔配紫菜飯。

味道唔會太濃烈,適合小朋友食用,若大人想食濃味可以用枱旁既醬料自行調味。而蔬菜唔會過火過淋。雞肉同蝦仍然保持鮮嫩。

燒肉拼盤(韓式LA骨牛扒肉、霜降牛小排、牛臉肉、豬五花、梨汁雞肉)

Advertisement

信義妹最鐘意食既係霜降牛小排,油脂分怖平均,烤一陣就食得~小卷最鐘意梨汁雞肉,覺得又滑又多汁。

有不同的沙律菜可以俾你跟肉夾來食消消油膩感。

仲有蔬菜拼盤可以俾你慢慢嘆!

窩心摩天輪

Advertisement

(烤牛肉紫菜包飯、鮮炸蕃薯條、安東雞翼、韓式炸雞、韓式炸餃子)

以烤牛肉紫菜包飯同鮮炸蕃薯條最受小朋友歡迎。最有特式算係安東雞翼同韓式炸雞。酸甜度剛好,醬汁緊緊掛住,不多也不少。

仲有甜品

朱古力蛋糕冰沫

冰沫綿滑,夾著朱古力醬,味道唔會太甜,仲會帶點椰香。蛋糕軟滑綿密,朱古力味濃。如果唔夠朱古力唔梗要~仲有額外朱古力醬拌隨。

總結,窩心親子餐廳。除有兒童餐具,仲有濕紙巾,胶剪方便使用。

Advertisement

前菜亦有大人小童之分。一定要再去!

地址:觀塘鴻圖道90號2樓

信義藍星札記

Facebook Page

Instagram

Advertisement

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

信義妹
自理虎媽,學術貓媽。同時係瘋狂DIY 二寶媽。只想好好「育兒」,拒「馭兒」。不論係外人眼中我係乜媽,只求做孩子心中最好的媽。 總結媽媽呢份工係 「錢少事多不放假,晚睡早起肝硬化」。