天氣愈來愈熱,我襯復活節去左朋友介紹的尖沙咀Salon,剪頭髮之餘順便再做個H3+修補毛鱗片療程。假期Salon人頭擁擁,但地方勝在夠大,所以空間感十足⋯

今次髮型師Ryan幫我用深層清潔的洗頭水洗走頭髮上的油脂外,讓頭髮可以無障礙地吸收滿滿的營養。

洗髮後,我的頭髮無了護髮素就打曬大交,不過呢個先係我真正的髮質(灰)⋯

今次就揀左Salon獨家代理的LAVIGNE H3+精華去的修補頭髮的毛鱗片(即頭髮的角質層)。呢枝英國製造的精華可以大大改善電傷、漂傷、毛燥、開叉的頭髮架,並聲稱可以令極度受損髮質復活,所以真係好適合我超毛燥的頭毛~

Ryan細心地幫我梳順頭髮後,就逐少逐少由上而下吱上H3+精華,之後再等10分鐘,讓髮絲吸收滿滿的營養。

10分鐘後把頭髮吹到全乾,再用直髮夾的熱力將營養導入到髮芯。Ryan全程都好細心地將頭髮加熱,並將髮尾再夾多一兩次,但求令頭尾吸收得好D~

Treatment完成後,頭髮即時見到順滑又有光澤,而且毛燥不再(⁎⁍̴̛ᴗ⁍̴̛⁎)

由於呢個H3+Treatment唔會好似一般Hair Treatment咁,不停搽完精華會洗走⋯ 所以療程導入完精華後,頭髮摸落似落左gel咁,鞋鞋地,不過隔日自己再洗返髮就回復正常⋯

此外Salon用了直髮夾去導入精華,頭髮當然有個Perfect的Finishing⋯ 所以識睇當然係我幾日後頭髮的情況啦~

Hair Treatment後三日,頭髮依然有少量的毛燥情況,不過係無特別護理/夾頭髮的情況下,頭髮依然好過整Treatment前,所以呢個Treatment係成功的~(//∇//)

The Curious Rabbit by Lavigne Hair Group

地址:尖沙咀棉登徑22-26號恒成大廈地庫

Facebook:www.facebook.com/LavigneHairStudio

電話:3460 5171

標籤: #頭髮
冰糧派出所
大吃大喝之芭蕾女孩。最愛線條簡單、性格傻傻的奇怪東東。十分喜愛去嘗試新野 \(//∇//)\ | 品牌合作 | 出席活動 | 產品試用 | Email : bingfooddelivery@gmail.com