講起神仙水,相信大家都會諗起S牌,雖然好多人都大讚,但始終價錢仲係比較高階,未必大家都試過(包括我)⋯⋯ 早排有朋友仔介紹,我先知原來香港彩豐行都有出自家的神仙水,而且價錢較實惠,所以我即管試下~

盒上寫枝神仙水有8種氨基酸成份,加上份子細小,可以將營養注入肌膚底層,令皮膚達到撫平細紋、淡化色斑、緊緻提升、深度補濕、煥發光澤共五大功效。

如果有留意開護膚產品,都可能知道神仙水的「神之成份」係酵母。酵母的活性可以加速皮膚的更新,就好似搓面包咁,令到扁扁的麵糰變得漲卜卜有彈性!

因為我有鼻敏感,所以好驚D護膚品有強勁的香料味⋯ 但呢枝神仙水只有淡淡的酵母味,上面好舒服。雖然產品的指示係用綿花上,但我係用綿抹面後,再倒少少上手拍面。咁樣先清除了過厚的角質,再將D營養直接上面比皮膚吸收。

用了呢枝神仙水後,皮膚的吸收力好左,D用開的產品都吸快左少少。由於我係用暖水冼面,係潔面後,呢枝神仙水比我用開的爽膚水更快收細毛孔。

雖然彩豐行的神仙水真係好抵玩,而且可以收細到毛孔。但上網睇返成份,K牌的酵母有90%或以上,但彩豐行呢枝就無特別Mention,所以應該都唔會濃到成為一個賣點⋯

結論係如果初老肌(又未舍得用$1000+的價錢買K牌)可以用彩豐行頂住先,感覺如果係開始唔夠力或者肌膚轉差才再揾K牌⋯⋯

=====================================

| 品牌合作 | 出席活動 | 產品試用 | Email : bingfooddelivery@gmail.com

冰糧派出所
大吃大喝之芭蕾女孩。最愛線條簡單、性格傻傻的奇怪東東。十分喜愛去嘗試新野 \(//∇//)\ | 品牌合作 | 出席活動 | 產品試用 | Email : bingfooddelivery@gmail.com