4月份又係展覽旺季,香港貿易發展局將於四月下旬舉行四項大型國際展覽,而當中的香港禮品及贈品展於4 月 27 至 30 日於香港會議展覽中心舉行,吸引了多個國家及地區,數千家展商,帶來各式各樣產品和服務,又係大開眼界的好時機喇!
今次我就出席左香港貿易發展局的新聞發報會,率先帶大家睇下禮品展有咩新奇有趣新發現啦~
焦點展區「卓越廊」 則匯聚超過 140 個環球品牌,包括主打環保立體拼圖的香港品牌Team Green、日本經典文具品牌 Kokuyo,以及意大利創意文具品牌 Pininfarina 等。
展會協辦機構香港出口商會將設立三大展區「原創新領域」、 「形品坊」,以及「Smart Design HK」展區,網羅超過 170 家香港優質禮品出口商。而中國內地、台灣、 印度、韓國、泰國及英國等參展商亦會組織地區展館。
最興奮的當然是可以率先一睹最新潮時尚的產品啦!
發佈會上精選了多款焦點商品,讓我們眼界大開。

 

場內展示了各式各樣的玩具模型,設計新穎獨特,當中有廣為香港人認識的品牌,也有新晉品牌。好似去左設計展咁,好多靚野睇丫~

 

呢個品牌的木製立體拼圖,我一直都有留意,
估唔到出左咁多新款,依家仲有姬路城立體模型添!

 

細細個好鐘意眼大大的ty bear,
原來ty今次都有黎參展,
最新的貓貓系列真係好可愛又吸睛呢~

 

 

參展商為大家帶來多款優質產品,加上創新設計美化生活空間,更為生活帶來方便。

 

香港禮品及贈品展可說是全球規模最大,今年新設立「美容、健康及保健」展區,吸引近 40 家來自中國內地、香港、台灣、韓國、印度及新西蘭的參展商,帶來各地化妝品、護膚、健康及水療產品等。

創新的四面立體囍宴皂,天然環保,好適合送給新婚朋友,或者用作婚宴回禮。

 

禮品展當然唔少得就係文具,作為文具控的我都興奮起來!

 

 

就連我最鐘意的日本文具品牌Kokuyo都有參展!!
剛剛去東京時,我都有去Kokuyo係原宿的文具主題Cafe朝聖,估唔到佢地都有黎禮品展,仲帶左好多日本最新的實用文具過黎。

 

可以係皮面、木面上進行Laser雕刻的掌上型雕刻機,鐘意DIY的朋友不妨入手一部慢慢玩。

 

 

時尚首飾區都十分吸睛,以古陶瓷碎片製作的首飾,
設計風格特別,結合了現代與傳統風格。

 

香港禮品及贈品展的規模一年比一年大,通常行一日都行唔完,大家都唔好錯過呢個擴闊視野同入貨嘅好機會呢~ 與禮品展同期的第 14 屆香港國際印刷及包裝展將於亞洲國際博覽館舉行,有興趣的業界人士可前往參覽一下哦。
香港禮品及贈品展
4月27至30日
香港會議展覽中心
想看到更多即時分享,可以到facebook page讚好呢!
請多多支持吧~送禮進行中~~

歡迎聯絡合作事宜:

dahlia_purple@hotmail.com
chiupurple@gmail.com

SHE.COM客席專欄
http://www.she.com/author/purplechiu/

YOUTUBE
PurpleChiu
she.com客席編輯, 八十後Freelance Designer,愛手作、愛旅遊、愛寫Blog,相信生活是為了發現美! 歡迎邀請及聯絡: dahlia_purple@hotmail.com OR chiupurple@gmail.com