男朋友神神秘秘地帶咗我去一間餐廳,原來佢好有心思咁慶祝我哋嘅周年紀念日ヽ(●´∀`●)ノ


 一去到餐廳就覺得氣氛同埋情調都幾好,環境幽雅,俾人一種好舒服嘅感覺(^u^)~



 餐廳用咗夢做主題,四周圍都掛滿左關於夢嘅飾物,例如捕夢網、蒲公英燈飾等等,菜單仲好有心思,整到好似一本故事書咁,成餐飯都好夢幻,就好似發左一場美夢咁(ノ>ω<)ノ ~


餐牌上分別有4個、6個、8個course,我哋就揀咗6個course,呢度嘅食物就係日法fusion既fine dining,菜式精緻,其中有兩道菜更加係surprise dish,即係由廚師發辦,配合時令嘅食材,到上菜嘅一刻先知道係咩嘢食物,就好似發左一場夢咁驚喜ヽ(✿゚▽゚)ノ






 首先有龍蝦pancake同埋麵包做前菜,麵包放左係布袋內,幾有古典風,牛角酥味道香濃,而且10分鬆化,牛油味仲好重添。:.゚ヽ(*´∀`)ノ゚.:。



第一個surprise dish係蘇格蘭蟶子同海膽cream burlee ,蟶子新鮮爽口,肉質鮮嫩,而且都幾鮮甜,再配上三文魚子,燉蛋上就有北海道嘅馬糞,上面嘅醬汁用咗青口同味噌整成,兩者一鹹一甜嘅配搭都幾特別,味道都幾夾,更加突出蟶子嘅鮮甜(๑´ㅂ`๑)




 煎鵝肝好好食(✪ω✪),而且味道好有層次,因為你可以配搭着開胃嘅乳酪雪糕同栗子蓉一齊食,,鵝肝10分厚肉,而且油脂豐富,當覺得有少少膩口嘅時候,就可以食住冰凍而開胃嘅乳酪雪糕,一冷一熱咁中和番(´///☁///`)

新增說明文字




龍蝦肉嘅擺盆好有心思,就好似幅圖畫(๑• . •๑),可以先食原汁原味嘅波士頓龍蝦尾,上面淋左啲松露油,又或者可以點上油豆腐、昆布、芒果等整成嘅醬汁,食到少少芒果味又帶一啲豆腐香,入面仲有啲酸酸甜甜嘅紅石榴果肉(*ˇωˇ*)




 第二個surprise dish係金鯛魚納豆素翅湯\(●´ϖ`●)/,廚師用左半煎炸嘅方式,將金鯛魚嘅魚片同魚鱗炸到10分鬆脆,第一次食炸左既魚鱗(•ㅂ•)/脆卜卜,而魚肉都好嫩滑! 



主菜我哋分別揀咗鹿兒島和牛,大廚煎到和牛大概三至四成熟,再淋上鹿兒島和牛汁,和牛肉質鮮嫩( *´◒`*),而且肉味很香濃四溢,油脂豐富,有一種入口即溶嘅感覺,確實不錯呢,旁邊仲有海鹽嘅粗粒,但我覺得唔點鹽,食和牛既原汁原味會更加好,伴菜係一啲雜菇同埋蔬菜, 中和返和牛既油香(((o(*゚▽゚*)o)))




羊架係男朋友食嘅,羊架一啲都唔羶,而且煎得好靚(๑¯∀¯๑)



 甜品係中式甜品,有黑白芝麻脆餅同埋煎堆,雪糕更加帶有竹炭嘅味道,仲有紅桑子朱古力,同埋爆谷做伴碟ヽ(●´ε`●)ノ


 最後更加用咗伯爵茶黎為呢個完美嘅晚餐作結




 呢度除咗食物質素高之外,仲有店員嘅服務都好好,每一個店員都好有笑容,由第一道菜到最後道菜都有細心解釋,值得推介(。・ω・。)


 Le Rêve

地址:銅鑼灣耀華街38號Zing! 10樓

想知多d有咩好食好玩同扮靚既資訊,快d follow我下面其他channel啦:)


聯絡/ 邀請/ 合作試用:

Email: foodsharingnana@gmail.com
Facebook: 娜娜飄流記 Nana’s diaryyy|Instagram:nanapuishan|Openrice:Foodsharingnana |UblogBlogspotTheZtyleWeShareBeauty ExchangeQoozaPixnet | Girlab

nanapuishan29
Blogger Nana Lifesyle x Food 👧🏻 lιғeѕтyle| ғood | вeaυтy 🎀美食、行街、扮靚小資訊📍 🔎Blogger :blogspot/FB/BE/Theztyle/Ublog/🍚OR/qooza/weshare聯絡/邀請: ✏️IG Direct 📩foodsharingnana@gmail.com💕 www.facebook.com/nanapuishan