轉天氣除咗底妝同護膚品，唇妝都要轉換吓！
Giorgio Armani嘅唇膏受歡迎程度當相然不可置疑，
今次想同大家介紹Giorgio Armani喺今個春季推出嘅
LIP FREEZE 雪葩啞緻唇妝系列！
Giorgio Armani以LIP MAESTRO絲絨啞亮唇釉同LIP MAGNET磁魅啞豔唇釉，
當中嘅經典唇釉配方為基礎， 推出全新 LIP FREEZE系列，
兩款唇釉各具特式，色彩粉嫩迷人。
想唇妝持久立體啞亮，同大家分享呢支LIP MAESTRO絲絨啞亮唇釉，
質地揉合柔滑質地同霧面光感。
單係包裝經已充滿少女味，採用咗磨砂設計，充滿春天清新感覺。
Giorgio Armani Lip Maestro 絲絨啞亮唇釉 (共6色) HK$285
相信不少人同我一樣，就算懶惰唔化妝，
都會習慣性化唇妝，等個樣望落更加精神。
唇釉其實係咩嚟呢？好多人都分唔清！
其實唇釉係唇膏同唇蜜嘅混合體，通常係液態，
雖然質地帶有少少粘稠，但最令我喜歡就係顏色可以長時間保持。
好多唇釉如果單塗未必可以顯色或者好令唇紋更明顯，
但係呢支Lip Maestro絲絨啞亮唇釉唔單止顯色，仲好似雪葩咁，
柔滑易擦，一擦就立刻能夠上色。
原來品牌採用咗創新「雪花霧」配方， 可以令色素更鮮明奪目，
即使獨立使用都能令唇色持久又啞亮，好似雪葩咁迷人。
我屋企大部分唇膏同唇彩、唇釉都係偏紅色調，
所以今次就同大家分享#513 Rose，比較粉嫩色系，好似櫻花色咁。
初初都擔心咁淺色會唔會唔上色，但果然無令我失望，
用後能令唇部睇落粉嫩漲卜卜，而且又唔會顯出唇紋，
顏色持久又令打造豐盈立體雙唇。
睇落好自然，即使唔化妝單單使用都可以，唔會誇張，
啱哂喜歡淡妝嘅女生用，可以輕易配搭日常造型。
除此之外，個人心水 #305 Tangerine、#410 Sienne，
若喜歡啞緻唇妝則可選擇 #305 Coral、#407 Ruby，都係不錯嘅好選擇。
Website：www.giorgioarmanibeauty.com.hk
Facebook：www.facebook.com/armanibeautyHK
聯絡MsJovi：
ww.jovi@ymail.com / www.facebook.com/blogger.ms.jovi/
