#Food

簡易祛濕 ~紅豆薏仁湯~

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

Advertisement

驚蟄啦!春雷都響了!春天來啦!天氣開始濕到扭得出水啦。。。。唔知大家濕重唔重啦?
如果你成日好似好攰,容易水腫同埋胃口麻麻地,就有機會濕重啦!濕太重又會影響脾,脾差就會影響營養既輸送,所以祛濕都係一個重要項目。最少對信義妹係~~

最簡單的方法就係紅豆薏仁湯。

紅豆,在中藥裡叫「赤小豆」,亦都有明顯的利水、消腫、健脾胃既功效。因為它是紅色,紅色入心,因此仲可以補心。而家香港人精神壓力大,心氣虛,飲食唔均衡,運動量少,脾虛濕盛。除咗要祛濕,又要補心,還要健脾胃,紅豆薏仁湯就簡單到位啦!

Advertisement

順帶亦都講下生熟薏米先~

生薏米
主要係祛水,有清熱祛濕排毒既功效。加強腎排水,可以將體內多餘既水份排出。生薏米係寒涼架,所以孕婦忌用,如果你係虛寒體質或者 period 期間都要小心服用。

Advertisement

熟薏米
健脾之餘,仲可以帶散胃部消化而成的營養,重振食慾及助身體營養吸收。
所以點解煲湯既時候成日聽到有生熟薏米一齊落就係咁解啦~

信義妹除咗紅豆同薏米,仲有桂圓同百合。

Advertisement

桂圓益心脾,補氣血,安神既功效。
百合潤肺止咳,養胃,清心安神既功效。

材料:
紅豆 2碗
生熟薏米 1碗
桂圓 20粒
百合 半碗
陳皮 1角
*紅豆同生熟薏米會預先浸
*煲1~2小時就搞掂啦!
*愛甜就隨意加冰糖啦!

Advertisement

 

 

 

Advertisement

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

信義妹
自理虎媽,學術貓媽。同時係瘋狂DIY 二寶媽。只想好好「育兒」,拒「馭兒」。不論係外人眼中我係乜媽,只求做孩子心中最好的媽。 總結媽媽呢份工係 「錢少事多不放假,晚睡早起肝硬化」。