#Food

💓Holly Brown 有好動L嘅soufflé pancake 🥞

😆今日同好朋友去左食好野

兩個人叫左2個main1個甜品2杯野飲🥂

大滿足🤤

.

介紹下先:

1️⃣牛肝菌松露醬汁闊條麵($168)

我本身好鍾意黑松露陣味🤤但同時都對黑松露嘅食物好挑剔,有啲餐廳會用較低成本嘅「石油氣味」黑松露😣但今日黎到Holly Brown試呢道意粉,令我好滿意💓首先佢嘅黑松露嘅味好足夠而且優質,絕對唔會有「gas味」,而且配搭濃味的牛肝菌,唔會俾是但一方搶曬味,兩種咁濃烈味道嘅材料放埋一齊都仲食到各自嘅味,好欣賞廚師嘅手藝😆👍🏻加上闊條麵嘅面積較大,生熟度較難拿捏,太熟會起漿痴埋一舊,太生中間個意粉芯又會硬,廚師烹調意粉嘅手法好純熟💓煙韌度剛好,意粉醬嘅濃稠度亦恰到好處,完美地掛住個意粉,食嘅時候好夠味,唔會意粉同醬分離🍝

.

2️⃣經典燒排骨($188)

食完重忌廉味嘅意粉,就當然叫番有少少微酸、開胃啲嘅豬仔骨,呢個豬仔骨味道唔錯,BBQ醬加啲煙薰味,酸酸鹹鹹好好味☺️邊位食落脆脆地,肉質唔會太林亦唔會太dry搞到硬實,剛好👍🏻薯條份量多到食唔曬🙈沙律菜dressing 都唔馬虎,酸酸甜甜較杰身,似係柚子蜜糖加醋味🍯開胃

.

3️⃣愛爾蘭忌廉疏乎里班戟(配藍莓醬)($168)

人人都話女人有個甜品胃😂我就一路都唔好甜品(呢排成日講但成日都食甜品咩玩法)🙈但今日見到人地食疏乎里pancake覺得好震撼,想親身感受下😆所以就叫左呢款黎試下,注意⚠️呢款係有少少Kahula酒精(即咖啡酒)成份,叫之前諗清楚啊!佢一上枱,我即刻忍唔住做「震騰騰」測試🤓搖呀搖呀搖~你地睇下佢個pancake真係唔係講笑,好動L😍食落唔會太甜,好香蛋白味,唔洗用刀切,用匙羹都切得開,可想而知佢幾軟😆男女都會愛上💓

.

4️⃣玫瑰草莓茶($65)&荔枝水果茶($65)

食咁多野,緊係要叫飲品🍹啦

呢兩款茶係一壺壺咁上,酸甜度適中,好解到膩👍🏻個人覺得玫瑰 🌹草莓茶好飲啲,味道較清新,果茶就比較濃味。

.

整體來說,呢間餐廳嘅水準都高於平均值,價錢屬於中價,環境寬敞,枱同枱之間有足夠距離,唔會有壓迫感同埋可以同朋友傾心事都唔怕俾人聽到。

💓溫馨提示💓pancake係新鮮整,製作需時,要耐心等候啊,最好早啲叫定要求後上☺️

.

.

.

#soufflepancake #pancake #hollybrown #hollybrowncoffee #foodie #吃貨 #吃貨人生 #吃貨女孩 #吃貨日記 #sweet #hkig #hkinfluencer #hkinfluence #hkiger #hkgirl #influencer

標籤: foodfoodiepancake