#Food

環境舒適 ~沐白小農~

台式飲品,對信義妹來講係,好心情想飲,壞心情更想飲;有壓力想飲,慶祝都會想飲。正確解說係無時無刻都係想飲。

有緣經過沐白小農,本來係擦身而過,但被店的裝修吸引了。店舖光鮮,燈光柔和。與平時飲開的台式店很不同。

入到店唔駛一陣就已經揀到啦!因為入去既顧客唔係揀沐白黑糖波霸鮮奶,就係揀大甲芋頭先奶。第一次幫襯就梗係要試下啦!

沐白黑糖波霸鮮奶 $30
珍珠有咬口,剛整完仲係熱到燙手。第一啖入口,哇!終於飲到唔係甜到嘔既黑糖珍奶。沐白的甜度正正適合我。奶係明治奶,香濃幼滑。配上黑糖甜而不膩,珍珠 Q 彈,難怪能成為推介之一。

大甲芋頭鮮奶 $30
到另一杯大熱飲品~大甲芋頭鮮奶~其實初初都有猶疑選唔選呢杯。因為都驚芋頭蓉會好甜,結果令我喜出望外。芋蓉除咗蓉,仲有芋粒,增添口感。甜度適中,唔會蓋過芋香。

草莓鮮奶 $35
喜愛士多啤梨同埋粉紅控就記得要試啦!!層次分明,厚厚的草莓蓉係上面,下層係白雪雪的鮮奶,望到都已經好開心。店員細心體貼,問係咪小朋友飲,揀少糖少冰會比較好。草莓蓉有種 Smoothie 既感覺,混上鮮奶順滑,多重口感滋味享受。

下次要試下其他先~~

地址: 元朗裕景坊27-31號金倫大廈地下4號舖

 

 

 

 

 

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

信義妹
自理虎媽,學術貓媽。同時係瘋狂DIY 二寶媽。只想好好「育兒」,拒「馭兒」。不論係外人眼中我係乜媽,只求做孩子心中最好的媽。 總結媽媽呢份工係 「錢少事多不放假,晚睡早起肝硬化」。