#Food

[飲食] ∵∥ 識食食時令 海鮮至豐盛 ∥∴ 東海薈限定鮑魚肉蟹宴

雖然未立冬,但已經感受到一股涼意,令人有衝動想打邊爐、食熱辣辣煲仔飯,但俗語有話「秋風起,蟹飄香」,踏入十月係海鮮豐收期,時令螃蟹肉多鮮甜,蟹膏甘香,鍾意食海鮮的朋友點會放過好時機~!

尖沙咀北京道一號東海薈是數一數二的婚宴場地,早前經一番裝潢後重開,以全新形象示人,大玻璃幕場夠開揚寬敞,擁有270度海景優勢,難怪身邊那麼多朋友都揀係在東海擺酒辦婚宴。

講到食蟹,東海推出幾款時令特色蟹菜餚,同大家介紹一下啦~

第一道是 ♥花間金作屋,以人手拆蟹將蟹肉取出後再加以調味,用威化紙包餡再炸至金黃。

以手拆蟹肉夠花功夫,咬一啖咔嚓香脆,入口就啖啖肉,不會油膩

炸蟹鉗在酒席菜單經常出現,這道 ♥枝吐龍團在炸蟹鉗上多花了點心思~

蟹肉配蝦膠,食出絲絲蟹肉,又有蝦的爽口彈牙;包著濃郁芝心餡,再一次豐富了口感層次

身邊有素食朋友?大廚準備素食Version的素蟹鉗 ♥柚子蟹鉗

常說的「齋口不齋心」,用澄麵竟然做出蟹肉口感,不得不佩服大廚功架~!

包竹蔗造出蟹鉗型狀配柚子醬汁一齊食,粒粒柚子肉,入口記得要啃啖蔗,除了帶出鮮甜,仲可以中和一下,減輕油膩感

除了飲宴,東海集團的晚市時段用上加拿大空運大肉蟹和南非鮑魚做主菜,以優惠價推出限定菜色:

東海名菜 ♥雞油花雕蒸肉蟹,每隻都有1斤半重,用上8年以上的陳年釀造花雕油和甘香雞油一同烹煮大肉蟹,酒香帶出蟹的鮮味,蟹肉鮮嫩,肉蟹精華不知不覺間留於醬汁之上,如果這時候有一碗白飯,我應該可以清碟照鏡^^

想要傅傳統一點的話,有惹味 ♥薑蔥炒蟹,將薑蔥爆香,放入肉蟹再爆,蟹肉質會較為結實,焦香更令人垂涎三尺

食完蟹食♥清蒸鮑魚,用上5-6頭南非鮑,以簡單的烹調方法加入蔥絲、陳皮絲以及秘制豉油清蒸,火候和時間都要控制得準確,鮑魚保持腍身軟滑,是有經驗的大廚做得到

食得Fusion一點都有 ♥蒜蓉牛油焗鮑魚,將薑蔥蒜、紫洋蔥以及鮮冬菇放入辣辣銅盤爆香後連同鮑魚蓋上錫紙入爐焗,配菜香味滲入鮑魚,由出爐至上枱都能保持溫熱

我最期待就是揭開錫紙香氣湧出來的一刻,刀叉食鮑魚真正爽~!

東海集團最近都推出中西Crossover期間限定 ♥阿華田點心系列,中式茶樓點心遇上茶餐廳水吧阿華田,做出怎麼樣的創新?

♦阿華田軟心包

♦脆皮竹炭阿華田包

♦脆脆阿華田奶凍

熱辣辣籠仔♥阿華田軟心包,平日軟心奶黃餡食得多,今次試下限定的軟心阿華田,包面的壽桃仔好可愛啊,點捨得食;

鍾意食香脆的話有脆皮竹炭阿華田包,同樣是軟心阿華田餡,但用上雪山包的包皮,咬一啖酥脆滋味;

酒樓食西式甜品一向不起眼,於我而言更是可有可無,但東海脆脆阿華田奶凍的確令我刮目相看,奶凍又香又滑,阿華田味好濃郁,是身一次在中式酒樓發現好有水準的甜品~讚!

趁星期六、日同屋企人去東海飲茶啦,北京道新店有優惠,點心於12:30結帳前有6折,12:30後都有65折,順便品嚐限量供應的阿華田點心,供應期只去到11月19日,快帶屋企人黎試,飲完茶仲可以行下街~!

📌東海飲食集團

東海酒家:鰂魚涌華蘭路25號栢克大廈2樓

海薈

東海薈拉斐特

尖沙咀: 彌敦道100號THE ONE L12

青衣: 青敬路33號青衣城1樓117號舖

https://www.facebook.com/eastocean.hk/

® 本文章純屬個人分享,有關詳情請向品牌/機構查詢 ®

﹊﹊﹊﹊﹊﹊﹊﹊﹊﹊﹊﹊﹊﹊﹊﹊﹊﹊﹊﹊﹊﹊﹊﹊

Appreciate for Collaboration & Invitation 

EMAIL: tiffany_ip1989@yahoo.com.hk

FACEBOOK PAGE: Tiffany ‡ Sharing Corner ‡

INSTAGRAM: tiffany0817

﹎﹎﹎﹎﹎﹎﹎﹎﹎﹎﹎﹎﹎﹎﹎﹎﹎﹎﹎﹎﹎﹎﹎﹎
Beauty Exchange ­ Beauty Life ­ Blogspot ­ Cosmo

GirLab  SHE.com  the Ztyle ­ U Beauty ­ WeShare