逛完荃灣IKEA後，臨走時見到樓下Backyard有Tea Buffet 供應，所以就來歎個悠閒下午茶。
內裡環境寬敞，配合高樓底落地玻璃滲透著柔柔日光，洋溢著小清新田園氣息。
逢星期六、日及公眾假期Backyard提供下午茶自助餐，供應時間為下午2:30 – 4:30，收費也只不過是 $88一位，可說是極抵食。
不過食物款式就不算多，而且refill的速度略慢。
墨西哥脆片可能放久了，不太脆口，雞軟骨串口感太硬韌。
Advertisement
雞肉串已經去掉雞皮，入口不會油膩，麻醬雞絲沙律和千島醬薯仔沙律一掃夏日悶氣，醒胃而又可以提起食慾。
可惜芝士牛柳意粉和肉丸完全不夠熱，令味道大打折扣。
幸好燒雞扒嫩滑多汁，十分厚肉，香腸一咬開爆出肉汁，肯定可滿足食肉獸。
這裡的pizza 像是麵包多於薄餅，所以餅底不香脆，反而薯條相當值得推介，剛巧讓我遇上新鮮炸好的，外層金黃酥脆，肉心軟綿細密。
Advertisement
由於熱食多數不夠熱，所以凍食的前菜類水準相對穩定。
沙律就是穩陣之選，點上黑醋或麻醬特別開胃。
cold cuts亦有好幾款，切得薄片，而且味道也不會過鹹。
就連芝士都是任食，平時在超市買都不便宜，但在這裡可以任吃，肯定可滿足各芝士控。
Advertisement
甜品個人較喜歡芒果芝士餅及焦糖燉蛋，前者口感綿密，後者經火槍燒過的焦糖糖衣，香脆富焦香。
自製窩夫新鮮烘焗尤其香脆，質地偏薄身，沾上朱古力醬，與窩夫尤其匹配。
餐飲都是自助形式，不過選擇不多，有檸水、檸茶或咖啡等。
Backyard
Advertisement
荃灣青山公路荃灣段388號中國染廠大廈(8咪半)地下G1號舖
https://www.facebook.com/backyardrestaurant.hk/
