上兩個星期是儍爸的生日，我們倆老又有借口去撑枱腳
朋友知道我們鍾意食日本菜和海鮮
就推介了這間在三家村渡輪碼頭隔離的日式浜燒料理
浜燒是日本沿海居民的傳統飲食文化
『浜』即是『濱』，就是海濱的意思
日本的漁民在碼頭或魚市場，將剛捕獲的活海產圍爐即燒即食
點菜前，出去睇下有咩靚海鮮先 …
店內的日本直送也有本地漁民即捕上岸的海產
有福岡岩蠔、日本北寄貝、東京活粒貝、貴妃蚌、日月貝、阿拉斯加蟹 …
最吸引我們的是超大隻的龍蝦，有成 12 斤重，下次約多點朋友嚟至食它
儍媽最鍾意這兒的無敵靚海景，有個靚 view 陪食心情都好點的 ~~
可惜這兩張靠窗的枱一早已經被人預約了，儍媽訂位的時候又不知道有這個靚位 …
好彩，我們的位置也一樣望到這個靚 view ，只是遠了少少 ….
串燒先到 …
安格斯牛肉串燒 @HK$68 + 牛舌串燒 @HK$48
烤至微焦的串燒，裡面鎖住滿滿的肉汁，又香又惹味
馬友一夜干 HK$328
漁民最常吃的一夜干 … 將鮮魚剖開、清除內臟，用鹽醃製，經一夜風乾
這條馬友一夜干的魚皮燒至金黃香脆，裡面的魚肉嫩滑
由於已經用鹽醃製過，帶點咸香，點少少醬汁或者檸檬汁都有不同的風味
江戶前天婦羅拼盤 HK$178
有三隻大蝦、南瓜、茄子、秋葵、鮮菇、蕃薯 … 好豐富呢 !
粉漿薄脆不油膩，儍媽最鍾意爽甜彈牙的大蝦天婦羅
除了配必有天婦羅醬汁，亦可以試下點少少好像閃亮黑沙的竹炭鹽一起食
接著到了 … 浜燒海鮮
壽星公想食燒鮑魚好耐喇 !!!
點了兩隻 … 南非大鮑魚 @$118
鮑魚好大隻，上枱時仲好生猛 … 不停蠕動
有專人幫手燒，咁就唔怕燒得太熟 … 嘥了點海鮮喇 !!!
鮑魚燒至剛熟，不需點任何醬汁就咁食，完全食到鮑魚的鮮味
口感爽滑，一點都不靭，帶點燒烤的焦香，壽星公表示非常滿意 ~~
一客四隻的馬刀貝 @HK$128
加入了師傅當日用木魚煮的木魚水來燒，不會燒至乾爭爭，味道鮮甜
本來想食甜品作結的 …
但是見到這個好少見的 … 炸白飯魚干 HK$48 … 又好想試下喎 !!!
最後，喜歡嚐新的我們當然點了客喇 !!!
炸白飯魚干炸至香脆，但是香口而不油膩，好特別的小食 ~~
三家村水產 Sankason Sisan
香港 九龍 油塘 鯉魚門 崇信街 三家村渡輪碼頭 東翼
https://www.facebook.com/Sankason.Suisan.hk/
** 以上分享是以我的口味、喜好和情況作出分享及感受，一試 / 合用與否請自行決定
