#Beauty

[脫毛前必睇] Medilase有驚無險試做激光永久脫毛分享…

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

Advertisement

[脫毛前必睇] dermes vs MediLASE 分享兩間激光脫毛中心試做後評語

成日喺網上見到有人將dermes vs MediLASE做比較,咁岩見到MediLASE賣廣告可以免費試做激光脫毛,心思思想去試下,點知得到個唔好嘅經歷,兩者服務都差好遠!就算我只係黎試做,dermes會做哂成part,但MediLASE就只係局部篤一兩下。

[脫毛前必睇] Medilase有驚無險試做激光永久脫毛分享…

最近見謝婷婷代言果間Medilase激光永久脫毛賣廣告賣得好勁,上星期約咗上朗豪坊Medliase試做,我自問唔係一個鍾意每事都投訴嘅人,特別係免費試做呢啲野,一向都唔會抱有太大期望及要求,不過今次試做感受比較深,忍唔住想同其他sis分享一下我嘅親身經歷…

上到朗豪坊旗艦中心,第一個感覺係環境的確好舒服,不過登記完坐咗1分鐘左右(正想拎個電話selfie下~),就有位consultant出黎greeting,請我入房傾,入到房呢位consultant就講咗一堆價錢,大概係唔同package嘅價錢,再單刀直入問我會選擇邊個package,咁我都好直接同佢講,我自己未做過激光脫毛,想試完先再考慮,之後佢就開咗個ppt出黎俾我睇,類似係一個比較table,有Medilase同坊間幾間都比較有知名度嘅激光脫毛中心,佢就照住講晒其他中心有咩缺點,以及不停強調Medilase係最好(其實呢啲資料上網都好多,我只係想親身試做,比較真實效果上嘅分別…) ,其實我已經唔係太記得consultant講咗咩重點,因為去到中間我已經無咩心機聽,之後佢就call咗治療師,同我入做treatment嘅房開始試做…

Advertisement

 

Advertisement

入到treatment房,治療師叫我換衫,但係問題就係度了…治療師同consultant都留咗喺間房度兩對眼望實我!冇錯,三個都係女人,冇錯,其實都唔會見到咩野…但係我真心覺得喺兩個陌生人面前換衫好尷尬囉!唔會係我思想太保守吧…

之後開始試做喇,感覺到我左手有野篤咗兩下,好凍同好痛,好似打針咁,可能係因為我無咩心理準備,治療師就話試完了……另一個有趣嘅地方又黎了,因為我實在睇唔出左手邊個位冇咗毛,我問治療師頭先打咗喺邊個位,我想睇下試做效果係點(為咗保護雙眼,試做時治療師幫我戴咗眼罩) ,治療師同consultant你眼望我眼,答~唔~出~! 我心中即刻出現個諗法,唔會係打激光果時無睇住黎打下嘛…果刻真係有啲擔心…之後…consultant仲拎咗部iPad入黎再sell,我果時衫都未換囉…洗唔洗咁急…佢仲已經入晒我資料準備好份電子contract,我當時真係好無奈,好驚走唔到…之後出絕招話咩credit card, eps, cash都無…即閃無回頭!

可能係我唔好彩,可能呢間野會有好啲嘅治療師同consultant,不過我唔會再去囉…真係有驚無險,好彩今次無事咋!黎緊我會去埋dermes試做,聽講佢地嘅治療師比較專業同唔hard sell,同埋佢地嘅免費體驗係整個部位試一次而唔係篤一兩下,應該可以睇到成個效果好唔好而唔會脫左邊個位都唔知,做脫毛療程時仲會有3重cooling保護,好似涼涼地就完咗,希望可以試岩join到~

各位sis都可以分別試下2間激光永久脫毛嘅trial,試清楚先join真係好緊要~

文章轉自:http://www.dermes.com.hk/en/promotion/DSELA0915A?ref=DBLOA0716N

Advertisement

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。