阿根廷餐廳Gaucho 週末早午餐任叫任食2小時

工作了一個星期，到周末小編一定會食個好的brunch獎勵自己。想中午放肆地大吃大喝，小編最近又找到一個好選擇。位於中環的高級阿根廷餐廳Gaucho推出全新早午餐餐單，在高雅環境下，能以一個價錢食餐飽，指定餐牌上的食物可以於2小時內任你無限次點選，高級菜餚一次過食夠本。減肥甚麼的，容後再說啦！

2小時任食早午餐於星期日由上午11時至下午4時期間供應，更包括任飲優惠，由點選第一杯餐飲開始計時，所以girls要好好把握落單時間啦。價錢分為無酒精飲料每位HK$450，包括新鮮果汁、汽水、無酒精雞尾酒等；而選擇酒精飲料則每位HK$650，有多種靚酒任飲，包括Veuve Clicquot香檳、經典雞尾酒、紅酒、烈酒及啤酒，愛酒之人淨係飲已經夠回本啦！

美食方面，包括有份量適中的西班牙式烤牛扒配炒蛋、以西班牙辣香腸配 阿根廷酸芫荽醬製成的Choripan三文治、焗西班牙辣香腸配車厘茄雞蛋磨菇。

西班牙式烤牛扒配炒蛋

焗西班牙辣香腸配車厘茄、雞蛋及磨菇

仲有啱晒girls嘅健康選擇，包括牛油果蓉多士、燕麥乳酪及燈籠椒配牛至草意式烘蛋等小食，或者可以揀傳統早餐，火腿班尼迪克蛋、菠菜班尼迪克蛋、煙三文魚班尼迪克蛋及煙肉三文治。

煙三文魚班尼迪克蛋

最後當然要食埋甜品，淋上香甜蜜糖的藍莓班戟，唔太甜，又夠健康！

蜜糖藍莓班戟