逛完荃灣IKEA後,臨走時見到樓下Backyard有Tea Buffet 供應,所以就來歎個悠閒下午茶。

內裡環境寬敞,配合高樓底落地玻璃滲透著柔柔日光,洋溢著小清新田園氣息。

逢星期六、日及公眾假期Backyard提供下午茶自助餐,供應時間為下午2:30 – 4:30,收費也只不過是 $88一位,可說是極抵食。

不過食物款式就不算多,而且refill的速度略慢。

墨西哥脆片可能放久了,不太脆口,雞軟骨串口感太硬韌。

雞肉串已經去掉雞皮,入口不會油膩,麻醬雞絲沙律和千島醬薯仔沙律一掃夏日悶氣,醒胃而又可以提起食慾。

可惜芝士牛柳意粉和肉丸完全不夠熱,令味道大打折扣。

幸好燒雞扒嫩滑多汁,十分厚肉,香腸一咬開爆出肉汁,肯定可滿足食肉獸。

這裡的pizza 像是麵包多於薄餅,所以餅底不香脆,反而薯條相當值得推介,剛巧讓我遇上新鮮炸好的,外層金黃酥脆,肉心軟綿細密。


由於熱食多數不夠熱,所以凍食的前菜類水準相對穩定。


沙律就是穩陣之選,點上黑醋或麻醬特別開胃。



cold cuts亦有好幾款,切得薄片,而且味道也不會過鹹。

就連芝士都是任食,平時在超市買都不便宜,但在這裡可以任吃,肯定可滿足各芝士控。

甜品個人較喜歡芒果芝士餅及焦糖燉蛋,前者口感綿密,後者經火槍燒過的焦糖糖衣,香脆富焦香。


自製窩夫新鮮烘焗尤其香脆,質地偏薄身,沾上朱古力醬,與窩夫尤其匹配。


餐飲都是自助形式,不過選擇不多,有檸水、檸茶或咖啡等。




Backyard

荃灣青山公路荃灣段388號中國染廠大廈(8咪半)地下G1號舖

https://www.facebook.com/backyardrestaurant.hk/


eunice
✿◕ ‿ ◕✿contact me: eunice2046@gmail.com